Sera da pulenta

Sonda, ils 06-07-2024, 18:30 uras

Sonda, ils 06 da fenadur 2024 a partir dallas 18.30 organisescha l’Uniun sportiva Péz Ault la sera da pulenta a Silgin (Lumnezia). Siu num engrazia quella sera da divertiment per giuven e vegl alla pulenta che vegn survida cun groma e caschiel als hosps.

La pulenta vegn preparada sil fiug sco avon onns e gusta perquei specialmein bein. Mo era tals ch’ein buc amitgs dalla pulenta vegnan sin lur cuosts entras guder differentas specialitads dil gril ni in bien dessert.

Ina musica da sault procura per in’atmosfera festiva ch’animescha dad ughegiar in sault sin tribuna en tenda. Cu las uras ein s’avanzadas envida la bar en ina stalla veglia da prender in sitg e festivar vinavon tochen viaden ella notg.

Viadi a Silgin

Cordialmein envida
L’uniun sportiva Péz Ault